سيرة براند قهوة مصري بيقدّم تجربة قهوة كاملة مش بس كباية. إحنا بنختار أفضل حبوب قهوة (Arabica) و روبوستا ، ونحمّصها ونطحنها بحب عشان توصلك فريش وتعيش مع كل رشفة لحظة وذكري وحكاية… عشان كده سمّينا نفسنا سيرة، لأن كل فنجان وراه حكاية

إحنا في سيرة بنقدّم كذا كاتيجوري عشان نرضي كل الأذواق:

Turkish Coffee – بن تركي فاخر

Turkish Blends – خلطات تركي مع أعشاب طبيعية

Turkish Flavours – نكهات تركي

Espresso & Specialty Coffee – بن فلتر وإسبريسو وسبيشالتي


كل كاتيجوري فيها توليفات ونكهات مختلفة تقدر تتصفحها من صفحة الـ Shop على الموقع.

Turkish Coffee – بن تركي فاخر:
بن تركي مطحون ناعم بجودة عالية، لطعم القهوة التركي الكلاسيكي الأصيل.

فى منه ال old school و دى بتبقى 70% روبوستا و 30% أرابيكا

الprime بتقى 70% ارابيكا و 30% روبوستا

ال 100% signature ارابيكا

Turkish Blends – خلطات تركي:
توليفات خاصة من البن التركي مع مكونات طبيعية زي الأشواجندا، الجينسينج، الزعفران… مصممة عشان تدّيك فوايد ووظائف مختلفة حسب مودك (راحة، طاقة، مزاج…إلخ).

Turkish Flavours – نكهات تركي:
بن تركي بنكهات محبوبة زي جوز الهند، البندق، القرفة، الشوكولاتة… عشان تعيش تجربة مختلفة لو بتحب القهوة يبقى فيها كريمر وتعملها فرنساوى باللبن.

ده مثال يساعدك تختار حسب المزاج والطعم:

بتحب الطعم التركي الكلاسيكي؟
جرّب: Old School — توليفة تركي

عايز بن تركي أنعم وبجودة أعلى للكوباية اليومية المظبوطة؟
جرّب: Prime — توليفة تركي

بتدور على تجربة تركي قوية 100% Arabica؟
جرّب: Signature — (Arabica 100%) توليفة

عايز قهوة تركي مع فوايد إضافية (طاقة/تركيز/راحة)؟
جرّب:

Ashwacoffee — قهوة تركي بالأشواجندا

Beanergy — قهوة تركي بالجينسينج + أشواجندا

Honeymooners — قهوة تركي (جينسينج + ماكا)


بتحب نكهات مميزة فيها كريمير و تعملها باللبن؟

Marrakesh — قهوة تركي محوج بالقرفة

Santorini — قهوة تركي بجوز الهند

Hazelnut Madness — قهوة بالبندق

Chocolate Lovers / Chocoberry لعشاق الشوكولاتة

بنقدم طبعا قهوة سبرسو و قهوة مختصة ( سبيشيالتى )

عندنا محاصيل زى هويلا كولومبى ده قهوة مختصة حلوة جدا فى الاسبرسو

عندنا قهوة مختصة موجيانا و دى برازيلية و حلو جدا للفلتر و ال V60

وفى محصول أثيوبى اسمه قوجى هامبيلا و حلو جدا فى القهوة الفلتر و ال v60

وكل فترة بنزل محصول جديد فى القهوة المختصة و الاسبرسو

إزاي أختار درجة الطحن المناسبة؟

اختيار درجة الطحن بيعتمد على طريقة التحضير اللي هتستخدمها:

قهوة تركي:
اختَر طحن ناعم جدًا (Turkish) – ده المناسب للكنكة.

إسبريسو (ماكينة):
اختَر طحن ناعم (Espresso).

فلتر، V60 أو قهوة ماكينة فلتر:
اختَر طحن متوسّط (Filter).

لو عندك مطحنة في البيت:
تقدر تطلب البن حبوب كاملة (Whole beans) لو متاحة في المنتج وتطحنه بنفسك على ذوقك.

ده أسلوب بسيط لتحضير قهوة تركي من منتجات سيرة:

1. استخدم كنكة نظيفة وحط 2 معلقة بن لكل كباية قهوة (حوالي 70–90 مل ماء).

و كل النكهات اللى عندنا اللى فيها كريمر لازم تتعمل فى الكنكة و بتتعمل ب لبن.

2. ضيف السكر حسب رغبتك (سادة، مظبوطة، زيادة).


3. ضيف المية الباردة وقلّب كويس قبل ما تحط الكنكة على النار.


4. حط الكنكة على نار هادئة وسيب القهوة تسخن لحد ما الوش يعلى من غير ما تغلي بقوة.


5. لما الوش يعلى، شيّل الكنكة من على النار واسبها ثواني، وبعدين صب القهوة بهدوء في الفنجان.

كل توليفة ليها طعم مختلف، فجرّب كام مرة لحد ما توصل للـ “سيرة” اللي على مزاجك 😄

إحنا بنشحن لكل محافظات مصر.

مدة التوصيل عادة من ٢ لـ ٥ أيام عمل (الجمعة مش يوم عمل، وممكن يحصل تأخير بسيط في الأعياد والعطلات الرسمية)

أيوه، حاليًا فيه شحن مجاني للطلبات اللي قيمتها فوق 1000 جنيه مصري (الحد ده ممكن يتغير مع الوقت حسب العروض)

لا يمكن إرجاع أو استبدال:

البن المطحون

أكياس القهوة المفتوحة

أي منتجات غذائية قابلة للتلف
وده حفاظًا على معايير السلامة والجودة.


لكن لو الأوردر وصل:

مكسور / تالف

غلط في المنتج أو ناقص
تقدر تتواصل معانا خلال ٤٨ ساعة من استلام الطلب، وإحنا بنوفر:

استبدال

أو كريدت على المتجر

أو ريفاند حسب الحالة، مع إرسال رقم الأوردر وصور (لو متاحة).

تقدر تدفع أونلاين من خلال طرق الدفع المتاحة على الموقع (بطاقات بنكية ووسائل إلكترونية مدعومة من بوابة الدفع على الموقع )، وبيظهرلك خيار الدفع المناسب ليك في صفحة الدفع قبل إتمام الطلب

و فى اختيار برضه الدفع عند الاستلام

و ممكن تحول لنا انستا باى بس ده بيكون مش متاح عند الاستلام

بيكون فيه عروض موسمية، خصومات، وباندلز على بعض المنتجات، بالإضافة لعروض خاصة زي الشحن المجاني فوق حد معين. تقدر:

تتابعنا على السوشيال ميديا عشان ما يفوتكش أي عرض

تشترك في النشرة البريدية من الفورم الموجود في آخر الموقع علشان توصلك أحدث العروض مباشرة على الإيميل